尋日去左睇彭秀慧既《29+1》舞台劇, 因為佢以女人年到30歲為主題, 再加上, 佢係《公主復仇記》同《伊莎貝拉》既編劇, 所以我好快就訂左tickets! 當然, 在場有好多又靚又有事業既女人~ 而我, 當然係「超級預習班」啦~ 我重見到公演《梁祝下世傳奇》男主角沉祖堯tim!  因為坐前排, 我同朋友都重成為左佢其中一個互動觀眾既目標tim! 我都有有一句台詞架~ 「『小姐你今年幾多歲?』你覺得呢?」hahahah,, 就係呢四隻字啦!!! ^^都算有份公演過呀~

劇中一橋段, 係男角摸女角胸部, 都成分鍾架~ 雖然係舊橋, 但幕前仍係好前衛!! 除左台詞, 佢以身體、舞蹈、影像、燈光、音樂表達左好多女人心態, 30為限, 身形皮膚至上, 結婚為終極, 不過, 理想同事業就較輕... 另外, 又寫暗戀、初戀、受傷、分手; 再寫天真、轉化、孤單. 以上都係人成長時會面對既處境, 我當然都有明白, 而其實令我最感深刻既, 係爸爸過身, 我落下淚來. 其實, 30又點jei? 都唔係咁世界末日既, 望住一個又一個朋友結婚而傷心, 都不及要接受一個又一個親人離開... 講真, 我隨左有訓覺第一政策之外, 親情真係第一架!

人生, 唔應該有條界線, 30歲既女人, 我覺得係人生開始光輝既時候, 係美麗既時候! 係, 我都有呻過驚, 但係從個人發展去睇, 30歲開始已經可以真正地講理想啦!

我而家仍係處於「夢想」既階段, 最近做緊d野, 令我好有滿足感呀! 久違左既夢想好似突然湧左上黎!! 希望唔係不切實際啦~ 以我既性格, 一不做二不休(憂), confirm左之後就會全力去!!

如果要響我30歲回顧30年, 我諗我會無悔!! 

我一向都有句座右銘:

夢想是好的

幻想是愉快的

但不沉醉於幻想才是最理想的

弦斷了

拍子譜不下去